★☆薇薇薇薇薇☆★

<< 80年代人•想当年 之 零食篇 | 首 页 | 叱咤赛果预测——准过玲玲师傅 >> 農夫啲歌makes me smile 2007-11-25 第一次听 農夫 啲歌係喺《架势堂》节目度,《 456Wing 》。当时,我仲谂:做乜森美 rap 嘅?!完咗首歌至知,原来係一对组合,叫 農夫 !几好听喎! Rap 得嚟,又唔係好怨仔(同怨妇类似,不过係仔),反而仲带几分谦虚同搞笑添!之后,香港会考放榜前后,又有一首《学海无涯》。真係轻轻松松邓梓峰!将学校嘅各种生活 rap 得淋漓尽致!再之后, featuring 玲玲师傅嘅《风生水起》更加精彩!连玲玲师傅都要帮手“要 rap 都完全无难度”。仲有《八无禁忌》、《全民皆估》、《日出而作》……,首首歌既写实又针砭时弊之余,不失幽默,同埋会润埋自己。 農夫 嘅 rap 唔 hea ,只只字都咬得好准!最难果啲 n 音同 l 音都无错过!确实係正音人! 仲有森小做《 Lokamochi Mamiba 》嘅时候,有 Fama 代嘅《返埋嚟 903 》。我自己觉得甚至好听过《架势堂》。两条友一唱一和,真係做得好有诚意、好畀心机同埋真係好专业! 農夫 从 indie 组合向半主流组合转型,今年叱咤我睇好你哋咖! 收藏到: Del.icio.us Tag: 多耳仔 引用地址: 薇 发表于 15:30 | 日志分类: | 编辑 | 继续话题 | 转发 | 推荐 评论 我都好中意903架,而傢日日都會聼,所以覺得你個blog内容好得,我好中意~~~ 仲有啊,我都係03年上大學架,呵呵 薇 回复 Sun 说: 真係要开番个“有谁共鸣”。 大家有相同嗜好,咪得闲上嚟逛逛倾倾啰。 2007-12-11 22:13:49 Sun | 发表于 2007-12-10 23:01:00 [ 回复 ] 其實佢真係好鬼香港嘅廣州人囉! 薇 回复 靚 说: 咪乱噏! I Love Guangzhou! 2007-12-05 21:35:30 靚 | 发表于 2007-12-02 22:43:00 [ 回复 ] 你邊度人來架?我兩年幾前無端端收藏佐你個blog o既地址,當時就以爲你係香港人添~~~~ 薇 回复 Sun 说: 哦?!两年几之后突然上番啊!有缘人啊! 我喺距离香港两个钟头车程嘅广州。 2007-12-01 23:07:48 Sun | 发表于 2007-12-01 21:44:06 [ 回复 ] 我第一次聽農夫係學海無涯..當時我覺得佢地唔錯咖!!果然今次音樂大亨無令我地失望!!首首都好正..嗯...講完 薇 回复 VH 说: 哇!《學海無涯》我又係好中意! Good啊農夫! 2007-12-01 23:12:48 VH | http://vh-queerqueen2journal.blogbus.com/ | 发表于 2007-11-30 22:10:23 [ 回复 ] 我都支持,正啊~~~ 薇 回复 lily 说: 十卜十卜! 巴打十卜! 2007-11-29 23:04:24 lily | 发表于 2007-11-26 22:09:15 [ 回复 ] 幾時先留到言啊?無符啊真係!!! 薇 回复 靚 说: 八字唔夹啊!无计! 2007-11-29 23:03:04 靚 | 发表于 2007-11-26 16:44:28 [ 回复 ] 我都觉得距地应该转做主流.虽然话做音乐系要有坚持, 但系如果坚持都无人会去听0既话,甘都吾系一件好事. 而且主流都吾会太差姐.吾使一定搞到自己好似好令类, 好愤世疾俗0既! 薇 回复 G 说: 对! 主流唔主流都唔到歌手自己决定嘅,係成个听歌嘅群体,又或者其他因素决定嘅。 2007-11-25 21:52:29 G | 发表于 2007-11-25 17:54:09 [ 回复 ] 发表评论

原始快照:web.archive.org