★☆薇薇薇薇薇☆★

<< 【转】Fiona、少爺占互畫綑綁 醜事傳街坊 | 首 页 | 《十二夜》 >> 《森之爱情》 - [ 我看过的电影们 ] 2007-03-03 《森之爱情1》有十个唔同嘅故事,有辣有唔辣,实有一个啱心水。我自己就中意啲轻松啲嘅爱情小品,所以《两个人的圣诞》就系我心水。嗰句“有一对白色翅膀嘅狒狒”简直系金句。其它嗰啲都好好听,第一集《我的病人》真系好听到不得了!不过太惨啦!惨到稍为有番啲人性嘅人听到都会轻则毛管栋重则喊到猪头咁!王菀之有把鸡仔声,扮温柔当然无问题;但系姖扮起其它活泼甚至泼辣嘅角色,都几神似!劲喎! 《森之爱情2电灯胆》成个都系一个惨故事,呢个系第一个唔中意。头两集,撞车死咗大哥,细佬扮大哥发现大哥对Stephy唔好,惨到呢!我觉得新年流流,唔使咁惨呀嘛!以为后边嗰啲会轻松番啲,小仪同Leo会搞搞气氛,点知由头惨到尾!而且个故事啲桥好旧,真系无办法受!第二个唔中意,Stephy把声太尖太高音,讲起嘢上嚟咇呢吧啦,听到人好鬼烦! 喺呢几个月入边,凡系有森美嘅广播剧,佢一定会同女主角去坐摩天轮!《森之爱情1》嘅《我的病人》,畀粒圣诞特效药病人食,食完两条友天马行空去旅行,去巴黎坐摩天轮,好浪漫!《黄金少年Season3》谢拉临死之前,又同姖去游乐场坐摩天轮。好凄美!不过又系摩天轮?!《森之爱情2电灯胆》一头一尾都系摩天轮!仲嚟?!够啦,大哥!够啦,火火!唔好再坐摩天轮啦! 到咗《电灯胆》结局,月星喺摩天轮巧遇另一个女仔,然后就完。之后投票月星遇见边个,居然多数人都投王菀之。如果我都可以投嘅话,我都投王菀之!感觉月星同王菀之更加衬啰!森美话月星呢个角色喺《森之爱情1》出现过,我即刻谂到系《Magic 11》嗰个男仔,因为佢都系喺酒吧度做咖嘛。不过佢系bartender,月星系琴手。不过佢话系《满天星》嗰个花心仔!毁坏咗月星个形象啦! 其实,我觉得《森之爱情》1、2都唔够《生滋爱情2电须刨》好听!听第一集嗰时笑到我几近断气!大哥喺度大喝:“唔好执啲眉豆啊,执鸡脚啊!去啊!执晒啲鸡脚啊!” “成粒眉豆啊!塞咗喺你耳窿度啊!”加埋Stepper(一听就知阿E)同埋邓丽金(金金好嘢!)唱嗰句“连余迪伟也怪我当那电须刨”呢啲咁不负责任嘅填词,以后都唔知点面对眉豆鸡脚汤啦! 附上《电须刨》歌词 能回避嘛 我怕了当那电须刨 铲烂你面 来来回 四叔公受难 虽则佢二撇鸡 剃又很不惯 再生的一剎又再铲 连余迪伟 也怪我当那电须刨 通面老泥 毛“神神”腋剃也不难 只怕你埋藏着最坏的鸡眼 呀妈叮嘱我们再玩 剃损有瘌 生滋爱情2电须刨 1 2 3 Tag: 引用地址: 发表于 09:22 | 编辑 | 继续话题 | 转发 | 推荐 评论 边度有得听啊? 回复 forest 说: 你可以上www.tudou.com 搜索“森之爱情”,“生滋爱情”,“黄金少年”,“森美”……等关键字 然后就会大把大把咁涌出嚟畀你听咖啦 2007-03-21 14:57:29 forest | [ 回复 ] 出来玩“夹夹·夹夹甲”同“耳王十四一心”啰…… [买定鱼肝油] 回复 winfieiddddddddd 说: 真咖?! 嗰种鱼肝油都畀你揾到咁劲! 2007-03-05 15:49:51 winfieiddddddddd | [ 回复 ] 薇,唔制啊,我又要! 回复 靓 说: 我上边经已贴咗地址出嚟,得闲去听听。 2007-03-04 15:06:07 靓 | [ 回复 ] 错字—— 知=只 尖=讲 回复 w 说: 《最紧要正字》 ^_^ 2007-03-04 15:05:46 w | [ 回复 ] 森美始终不适合感情戏,知适合搞笑。 我中意马积易咧云。 太尖太高音真系尖得好岩。 其实吾使揾明星搭档,谢西嘉阿芝把声都好好。 回复 winfield 说: 用番之前王贻兴嗰篇访问,森美係一个“悲观的笑匠”。 佢写嗰啲或者声演嗰啲爱情剧,一係惨到不得了;一係猛搞gag! 《电须刨》越嚟越似《森美幻想剧》,好好听!晚晚都有惊喜! 成出广播剧都係903DJ梗係好啦! 好想森美同阿芝同艾粒合作搞广播剧! 不过真係无几多人好似我哋咁,听开电台。 呢啲係市场需要,或者係Paco需要卦。 可惜,《森1》令听众越听越中意王菀之,《森2》搞到我都对邓丽欣无晒好感。大镬! 加上依家903同MTV台都狂播《电灯胆》,我觉得好似畀姖落降头咁。 同埋,我睇咗好多次至发现,原来…… 马积易咧云=Magic 11 -_-b 哈哈哈! 2007-03-04 15:02:18 winfield | [ 回复 ] 发表评论

原始快照:web.archive.org