★☆薇薇薇薇薇☆★

<< 智慧齿 | 首 页 | 《盛夏光年》 >> 我的清明节假期 - [ 一步一步一步 ] 2008-04-04 两个星期之前已经计划好呢个人生之中第一个“清明节假期”:同朋友仔去逛电脑城,睇下最新最 in 嘅数码产品、感受时下最流行嘅数码科技!(懒劲咁)然后一齐去食好好食嘅意粉、饮香喷喷嘅忌廉汤!最重要嘅,係会收到朋友仔送嘅清明节礼物——咸鱼一条!(人哋送畀姖,姖同姖屋企人都唔食,于是转送畀我哋)节目安排得几缤纷、几丰富啊! 正所谓:人算不如天算!一个星期之前,我就开始感冒!好彩,我向来都唔係潮人,我所患嘅只不过係普通感冒,而唔係最潮、最 heat 、最流行嘅“流行性感冒”!于是,大好嘅清明节假期,无街去,喺张床度瞓咗十几个钟;无意粉同忌廉汤,日日饮石歧感冒茶同佩夫人咳水;最遗憾係无咸鱼收,而我自己因为三日无洗头嘅关系,几乎变成咸鱼!好彩好彩,传说话感冒七日就好,我已经第六日啦,感埋听日,就好啦! Yeah ! “清明时节雨湿湿,路上行人屎急急,借问厕所何处有,行前两步上石级。”呢首诗,我细细个嘅时候,到清明差唔多时间,我老豆无聊就对住我念。太有才了! Tag: 引用地址: 发表于 21:07 | 编辑 | 继续话题 | 转发 | 推荐 评论 吓?用个个吾得0既0羊???! 但系个个都有玩笑0既意思架???我依稀记得.哈哈! 甘我以后会用个个"gag"架啦. 但系个个都衬返你岩岩体完个套<<盛夏光年>>啊.......哈! 回复 G 说: 又畀你兜到! 唔错唔错! 又急才! 2008-04-07 21:00:01 G | [ 回复 ] 无假放..... 不过今年清明天气真系好好.确实应该出去行下街,买下野, 促进下经济. 仲有,你搞gay窝......都几好笑. 回复 G 说: 其实你係咪想话我搞gag啊?! 嗱!唔好吓我啊! 2008-04-06 13:40:07 G | [ 回复 ] 快D好翻,我地去食过,补翻数!!薇,你讲野越黎越好笑了! 回复 lily 说: 今日第七日,听日就好番咖啦! Lily,多谢支持! 我将我嘅路线定做“实力派”好耐! 2008-04-05 20:18:22 lily | [ 回复 ] 发表评论

原始快照:web.archive.org